CHAPTER 65: Paglilitis
~ CHELSA ~
NATAGPUAN KO ANG aking sarili sa isang napakadilim na lugar. Nasa ere at lumilipad. Walang ni ano mang mahagilap dahil pawang kadiliman lamang ang nasa palibot. Sa itaas, walang mga bituin, lahat ay dilim lamang.
Lumapag ako, malapot na bagay ang naapakan ko at naamoy ko ang malansang kung ano. Muli kong inilibot ang paningin ko habang humahakbang kasabay ng kabang bumabalot sa dibdib ko. May mga naapakan akong mga malamig na bagay, pumapasok sa utak ko kung ano ang mga bagay na iyon, ngunit ayaw kong isiping iyon nga. Dahil matinding takot ang hatid sa akin ng naisip kong iyon.
Sa patuloy kong paghakbang sa hindi ko malamang patutunguhan, dumaloy na ang luha mula sa aking mga mata. At isang naglalagablab na apoy ang biglang nagpakita mga ilang metro
