CHAPTER 67: Mga Pasya
SA LAHAT NG mga matang nakatitig sa akin, kay Pinunong Kahab ako lubos na nag-alala. Sa Pinunong Kahab na kanina pa sa akin masamang nakatingin, ang Pinunong Kahab na may poot at galit sa akin.
“Narinig ninyong lahat, ang binatang iyan ay si Nael!” sigaw no’ng Pinunong Kahab na ‘yon. Na kung hindi nakagapos ang mga kamay ay paniguradong idinuro-duro na ako nito o sinugod pa. Nilibot nito ang tingin sa lahat. “Si Nael, ang bayaning kumitil ng maraming buhay! Bayaning hindi nararapat na tingalain! Bayaning nagpasakop sa kasamaan! Bayaning nagtataglay ng itim na kapangyarihang magwasak!”
Para akong binuhusan ng napakalamig na tubig. ‘Yong tipong nagyeyelo talaga. Hindi ako nakaimik. Pakiramdam ko may napakalaking kasalanang akong nagawa. Akusadong guilty at wal
