MAS IDINIIN KO pa sa mga mata nito ang kutsilyo. Mayamaya pa’y dalawang suntok sa lalamunan nito ang ibinigay ko. Dahilan kaya tuluyang nabitawan ang aking braso. Tuloy-tuloy namang bumagsak ang lalaki.
“Sehel, kailangan na nating makaalis dito!” Agad akong lumapit sa babae. Napansin kong nanginginig ang kamay nito sa takot.
“Huwag kang matakot kapag kasama mo ako…” bulong ko rito. Muli ko itong inalalayan. Madilim na ang buong paligid kaya hindi na kami halos napapansin ng mga tao. Nakahinga lamang ako ng maluwag nang tuluyan kaming nakasakay sa taxi. Sa hospital ka agad kami pumunta. Kailangan mabigyan ng agapang lunas ang aking kapatid. Napansin kong naiiyak ito.
“Ligtas ka na, kaya dapat lakasan mo ang loob mo para sa Mommy mo kung gusto mo siyang makita at mayakap. Apat na taon
