Mabilis kong dinampot ang babasaging bote at nang humarap ako sa lalaking nasa likuran ko ay buong lakas ko itong hinampas sa ulo. Dalawang magkakasunod pa na sinuntok ang binigay ko rito sa leeg. Hanggang sa tuloy-tuloy itong bumagsak at tuluyang nawalan ng malay tao.
Kahit mabigat ang lalaki ay pinilit kong itulak ito papunta sa ilalim ng lababo upang walang makakita rito, may kurtina ang lababo kaya hindi ito basta makikita ng mga kasamahan nito.
Maliksi kong kinuha ang medicine box para magamot ang kapatid ko. Balak ko na sanang lumabas dito sa kusina nang marinig ko ang mga yabag ng paa na ngayon at papalapit sila rito sa kinaruruunan ko. Mabilis akong nagtago papunta sa likod ng malaking lumang cabinet upang hindi nila makita. Hindi ko muna sila haharapin, gagamutin ko muna ang ak
