Kinabukasan, hinintay kong makatulog si Gab para makaalis ako. Nagpaalam na naman ako sa kanya kaya wala ng problema kung aalis man ako dito habang tulog siya. Kinausap ko na rin ang nurse at magandang balita naman ang sinabi niya sa akin tungkol kay Gab. Baka daw kasi sa mga susunod na linggo ay makakauwi na ito at magbibigay lang daw ng mga gamot si doctora. Nagpaalam na ako sa nurse matapos marinig ang balita at pumunta sa exit ng hospital. Hindi pa man ako nakakalabas ay bigla na lang bumuhos ang napakalakas na ulan. Kagabi pa ang pagbuhos nito pero parang ayaw niya talagang tumigil sa pagbibigay ng biyaya sa amin.
Hindi pa ako nakakatawag ng grab at mukhang sasakay na lang siguro ako ng bus. Medyo malayo ang bus stop dito kaya wala akong ibang nagawa kung hindi ang takbuhin ang bus s
