GUMISING si Shielo na sobrang sakit ng ulo. Pagtingin niya sa relo sa kanyang cellphone, malapit nang magtanghalian. Lumabas siya ng kuwarto at bigla siyang nalungkot nang malamang nakaalis na ang kanyang ninong. Malamang ay kasama na nito si Miss Anna.
Naalala niya ang mga ginawa niya kagabi at kung paano siya umiyak habang nakikiusap dito. Gusto niyang batukan ang sarili. Mabuti na lang at hindi siya nito pinalayas.
Wala siyang ka-ene-energy habang nagtitimpla ng kape at gumagawa ng sandwich.
Mayamaya ay tumawag si Yassi.
“Girl, kumusta date mo kagabi?”
Bumuntong-hininga siya. “Ayun… ayos lang.”
“Ayos lang? Eh bakit parang hindi ka masaya?”
“May hangover lang.”
“In fairness, guwapo ‘yong Brent na ‘yon ha. May date ba ulit kayo?”
“Nagyaya siya. Pinag-iisipan ko pa kung pupun
