Jacquiline Villanueva
“Love?” tawag sa akin ni Blake. Napangiti ako. Kinarir niya na talaga ang endearment na ‘yon huh?
Alas-sais na ng umaga at pareho pa rin kaming nakahiga sa kama habang magkayakap.
Simula noong umamin kami sa isa’t-isa ay hindi na mawala-wala ang paglalambing niya sa’kin. Minsan para siyang bata na gusto palaging hinahalikan at niyayakap. Ewan ko ba. Pero mas gusto ko ang ganitong set-upnaming dalawa. Nakakatawa lang isipin na dati ang susungit-sungit niya tapos ngayon, sobrang sweet na niya.
“Hmm… Ano ‘yon love?” tanong ko habang kasalukuyan akong nakahiga sa mga bisig niya. Naiilang pa rin ako na tawagin siyang Love, pero sinasanay ko ang sarili ko. From maid? To love? Hindi pa rin ako makapaniwala.
“I do love you.” Sabi niya sa’kin sabay halik sa noo ko.
