Cedric Eusebio
Ilang buwan na rin ang lumipas mula nang umalis kami nila Yvonne at nang anak kong si Jayden patungong Canada, para magbagong buhay, para tuparin ang ipinangako ko kay Michelle. Kagaya ng ipinangako ko kay Michelle noon, ako ang aako sa mga kasalanan ni Yvonne sa pamilya nila sa pamamagitan ng pagsama ko sa kanya dito sa ibang bansa. Hindi siya makukulong o magdudusa sa mga kasalanan niya sa Pilipinas dahil sa pag-ako ko sa mga kasalanan niya, na ako na ang magiging responsable sa mga ito.
Hindi naging madali ang mga una naming mga araw dito sa Canada. Bukod sa nag-a-adjust pa rin kami sa bagong environment, hindi pa rin kami nagkakasundo ni Yvonne. Paulit-ulit niyang tinatanong sa `kin kung bakit kailangan pa daw naming umais ng bansa at hayaan ko nalang daw siyang mabul
