Ilang araw ang lumipas, nakakuha na sila ng marriage license para sa civil wedding na gusto muna nilang mangyari mula sa munisipyo ng kanilang lungsod at nakapag-set na rin sila ng appointment para sa mga seminar na kailangan nilang daluhan.
Matapos ang lakad nila sa munisipyo at sa simbahan, napagpasyahan nilang dalawa na pumunta muna kung saan-saan. Gusto nilang magkaroon ng panahon para sa isa't isa. Sinunod naman ni Troy ang sinabi ni Michelle at nagmaneho patungong eskwelahan. Tahimik lang sila sa buong byahe hanggang sa makarating sila dito. Ipinarada na ni Troy ang kotse nito at pinagbuksan na ng pintuan si Michelle.
Naglalakad lang sila hanggang sa biglang huminto si Michelle sa tapat ng open ground. "Alam mo ba Troy na dito kita unang nakita. Ulit." saad nito.
Takang-taka nama
