Hindi niya alam kung nananaginip ba siya o hindi. Subalit malinaw niyang naririnig ang mga pamilyar na boses. Inumulat niya ang kanyang mata, at napanganga nang makita sina Ranne, Ninay at Damon na masayang nakikipag-usap sa kanyang tiyahin.
Agad siyang bumangon sa hinihigaang kama. Nakisiksik sa mga kaibigan. "Gising na nga kayo!" puno ng galak niyang sabi, at masuyong niyakap ang tiyahin. "Salamat at nagising na kayo. Pinakaba po ninyo ako ng lubosan. Nay, 'wag na ninyong gawin uli iyon ha. Ikakamatay ko ho kapag may nangyaring masama sa inyo."
"Nawalan ka daw ng malay?"
"Oho. Nag-panick po ako. Akala ko talaga iiwan na ninyo ako," wika niya, at humikbi. "Natakot ho ako, Nay."
"Tahan na. Hindi kita iiwan. Pangako ko iyan. Mahal na mahal kita, Alona," lumuluhang sabi si Sally, at hina
