Tahimik at seryoso siya habang nagwawalis ng bakuran nang biglang may nagbusinang sasakyan. Itinigil niya ang pagwawalis at agad na tumungo ng gate para buksan. Nang nakita niya ang pulang Range Rover ay agad niya na binuksan ang gate. Agad naman pumasok ang sasakyan at pumarada sa may garahe na pinagawa niya. Siya naman ay agarang sinara ang gate at naglakad patungo sa may bahay.
Nakita niya si Damon na bumaba ang sasakyan. Mukhang mag-isa lang ito at hindi kasama ang kanyang amo.
"Good morning, Damon," sabi niya, at ngumiti.
"Good morning too, Alona," bati din ng lalaki, at tipid na ngumiti. "Ang aga mo yata nagising."
"Ah, maaga talaga ako magising. Nasanay na ako na bumangon bago sumikat ang araw," sabi niya, at agad na kumuha ng dalawang tasa. "Coffee or Tea?"
"Coffee," sagot n
