"Ano ito?" kunot noong tanong niya kay Zhean nang iniabot ng binata sa kanya ang dalawang naglalakihang paper bag. Nanatiling nakatitig ang kanyang mata sa kausap habang hinihintay ang sagot nito.
"Amh... uniform mo at sapatos," kaswal na sagot lang nito sa kanya.
"Uniform? So, kailangan kong suot ito?" pagtitiyak niyang tanong muli. "Teka ano namang pauso ng masungit nating amo? Hindi naman niya dati ako pinag-u-uniform ah! Bakit ngayon nais niya?"
"Suotin mo na lang," sabi ni Zhean habang nilalantakan ang buko pie. "Hindi ka daw pwedeng pumasok ng naka-civilian attire, iyon ang mahigit nitong bilin."
"Eh, 'di kailangan ngang suotin ito," naiinis niyang sabi, at inilabas ang laman ng paper bag para suriin. Nagsalubong ang kanyang kilay nang makita niyang isang ternong blue blazer at
