Nanlalaki ang mga mata ko nang maramdaman ko ang malambot niyang labi na humagkan sa akin. Kahit ang palad niyang nakahawak ngayon sa aking pisngi ay tila kasing lambot ng kaniyang labi.
Sa pagbibilang ng dj sa ikatatlong numero ay agad siyang lumayo sa akin. Wala pa rin akong nakikitang ilaw.
“Three! Two! One!” sa pagsapit ng uno ay agad na umilaw ang lahat. Ngunit wala akong nakitang lalaki na nakatayo sa aking harapan ngayon. Panaginip lang ba ‘yon o nasisiraan na ako ng ulo?
“Dasha!” sigaw sa aking pangalan at agad kong naramdaman ang masakit na bangga sa aking likod. “Sino natulak mo?” natatawang tanong sa akin ni Marie at agad tinignan ang nasa paligid ko.
“May natulak ka ba? Sino ba tinitignan mo? Para kang nakakita ng multo! Gaga!” ani naman ni Archie at sinundan pa ang aking
