NAGING mahirap para kay Georgia ang makasama sa iisang bubong si Fhaye. Hindi matanggap ng kanyang puso na ito ang kasama na David sa iisang silid at hindi siya. Hindi rin nakaligtas sa kanya ang pagiging excited ni David na maging ama. Pag-dating nito galing trabaho ay kung anu-ano ang dinadala nito para kay Fhaye. Kung minsan ay namimili na ito nang mga gamit ng magiging anak nito kahit hindi pa ganoon kahalata ang tiyan ni Fhaye. Pakiramdam niya kung tatagal pa siya sa mansiyon ay lalo lang siyang masasaktan.
Napatingin siya kay Marvin. Tulog na tulog ito sa tabi niya. Kahit anong pilit niyang sa sofa ito matulog ay hindi nito ginagawa. Madalas ay hindi siya nakakatulog kapag ito ang katabi, kaya kahit nahihirapan siya sa kalagayan niya ay sa sofa siya natutulog malayo lamang
