Hindi pa man tapos ang araw ay natanggap na nya ang text ni Andrew para sa address at oras ng party bukas. Buti naman at hindi na ito nagpumilit pa at nagtanong uli ng address nya.
Alas siyete pa lang ay naghanda na siya para sa party dahil alas otso ito magsisimula. Nakatanggap siya ng tawag kay Andrew nang papunta na ito sa bahay ng kliyente. Inalok uli siya nito na isasabay pero todo tanggi pa rin siya. Sinabi nya na lang na papunta na rin siya.
Mahaba ang itim na damit na suot nya. Malambot ang tela nito kaya makikita ang hubog ng katawan nya kapag suot iyon. Kumpara noong College pa sila ay mas makurba na ang katawan nya dahil mas nagkalaman ang dibdib nya mula nang ipinanganak nya si Andie.
Tiningnan nya ang mukha sa salamin. Nasiyahan naman siya sa nakita. Formal na sexy ang dat
