Palaging may tao sa loob ng office ni Andrew nang mga sumunod na araw. Ang mga kliyente at ibang contractors na mismo ang pumupunta sa office. Si Daryl naman ang dumadalo sa mga meetings sa labas.
Tapos na ang lunch time nila nang pumasok ang isang matandang lalaki kasabay ang isang magandang babae. Ipinakilala nito sa kanila ang anak na kasama nito. Kitang-kita nya ang pagpapa-cute ng babae kay Andrew. Nang lumabas ang ama nito para makausap naman si Daryl ay saka naman lumapit ang babae kay Andrew.
" So, Mr. Fontalejo, pwede bang mag-apply bilang secretary mo?" tanong nitong tumatawa pa ng maarte.
Magnet talaga ito sa mga maarte! naisip nya.
Napaismid pa siya ng konti sa naisip. Tumawa naman si Andrew dito.
" Unfortunately, I already have a reliable secretary," anitong tumingin pa s
