Nagising siya sa malakas na yugyog ng katawan nya. Nang idilat nya ang mga mata nya ay nakita nya ang nakangising si Sophia. Pupungas-pungas na bumangon siya. Tiningnan nya ang oras, mag aalas-otso pa lang ng umaga.
" Kaw, ha? Di mo naman sinabing may gwapo kayong kusinero," nanunuksong sabi nito.
Napakunot-noong nakatingin lang siya dito. Parang tulog pa ang diwa nya.
" Saan ba siya natulog? Dito sa bed mo?" tuloy-tuloy na naman ang bibig nito.
" Ano ba'ng sinasabi mo?" tanong nya na humiga uli tapos bumalikwas din agad ng bangon nang maisip na si Andrew ang tinutukoy nito.
" Andiyan pa si Andrew?" nawala na nang tuluyan ang antok nya.
" Wala na, noh. Umalis na siya nung dumating ako. Actually, tinawagan nya ako na samahan ka muna kasi nga uuwi muna siya sa kanila kasi may pasok pa
