MEG
Tahimik at walang kibo na umakyat ako sa silid. Nawalan ako ng gana na makipag-usap kay Gray kaya kahit may sinasabi ito kanina ay paisa-isa lamang ako kung sumagot.
"Ayos ka lang?" malambing na tanong ni Gray habang nakaharap sa wardrobe at nag-hahanap ako ng isusuot na damit.
"Yeah," tipid na sagot ko na tinuloy ang ginagawa ko.
"Hmm, nag-aalala ako dahil bigla na lang nagbago ang mood mo. Kanina, masaya ka naman kausap ko tapos bigla na lang ay nanahimik ka na at halos ayaw mo ng kibuin ako," sabi nito na akala mo ay walang sinabi na nakakasakit sa damdamin ko.
"I'm fine."
"Sa tingin ko hindi, mukhang na pagod ka o kaya na stress ka na," malambing na sabi nito na umakbay sa balikat ko at kinabig ako palapit sa kan'ya sabay halik sa noo ko.
"Bakit nakayakap ka na naman? Hindi
