Ilang beses kong ipinagdasal noon sa Panginoon na sana dumating 'yong pagkakataong ito. Iyong hindi man para sa akin kundi para man lang sana sa anak ko. Ipinagdarasal ko na sana pagtuonan man lang ng kahit kaunting oras ni Dylan si Zaine.
Wala akong ibang hinangad kundi ang maramdaman ng anak ko ang labis na pagmamahal mula sa kanyang daddy. Pero matagal ko na ring tinanggap na mukhang imposible ngang mangyari ang ipinagdarasal ko. Hanggang sa pangarap na lang yata mauuwi ang lahat.
Labis na galit ang naramdaman ko kay Dylan noon dahil sa pagiging pabaya niyang ama. Ngunit sa pagdaan ng panahon mas naiintindihan ko na. Hindi ako dapat patuloy na magalit sa kanya... nagka-amnesia siya!
Kahit na anong gawin ng mga doktor at kahit sino pa mang kaibigan at kamag-anak niya ay hindi na niya
