Bigo akong lumabas ng klinika ni Dra. Flores. Hindi pa rin kasi ako makapaniwala na nangyayari na ngayon sa akin ang mga bagay na kinatatakutan ko.
Kahit na noong ipinaliliwanag niya sa akin ang mga maaari kong pagdaanan sa first trimester ng aking pagbubuntis ay ayaw pa rin nitong mag-sink-in sa aking pagkatao. Napapatagal na ang titig ko sa ibinigay niyang reseta na naglalaman ng mga vitamins at gatas na dapat kong inumin.
Nanghihina akong naupo sa isang bakanteng upuan sa waiting area. Tulirong-tuliro na ang isip ko at hindi ko na alam kung ano na ang mga susunod kong gagawing hakbang.
Three weeks! Pilit kong inaalala 'yong eksaktong petsa kung kailan kami posibleng nakabuo ni Dylan. I felt like I was at the dead end. Hindi naman maaatim ng kunsensya ko na ipalaglag itong bata!
“Ali
