Hindi makagalaw, nanliliit sa kinatatayuan. Iisang bagay ang nakakasisigurado siya—iyon ay hindi siya nababagay sa lugar. Nakakalula ang presyo ng bawat mahahawakan, normal na t-shirt na nagkakahalaga ng ilang libo at karamihan ay isang buwan na sahod ng normal na empleyado.
“Ma’am, may napili na po ba kayo?” Tanong ng sales lady na kanina pa sunod ng sunod. Pang ilang ulit na nga ba ‘tong nagtanong? Hindi na niya mabilang.
“A-ah, eh, wala pa.” Aniya rito na nahihiya’t iiling-iling.
“Take your time, madame.” Nanatili itong nakangiti sa kanya, sa trabaho nito ay kailangan ng mahabang pasensya sa lahat ng oras.
Nilingon niya ang dalawang lalaki, walang ano-ano na kumukuha ng damit na matipuhan. Mayayaman nga naman, walang panghihinayang pagdating sa paggasta ng kanilang ari-arian—well
