Kalahating oras ang layo mula sa trabaho, isang condo unit ang pansamantalang tinutuluyan na pagmamay-ari ni Leal. Nang una ay tinanggihan ngunit sa huli ay pumayag dahil wala nang ibang matutuluyan, mas ligtas din ito sa kagaya niyang walang alam sa lugar.
Maagang bumangon matapos ang dalawang araw na pahinga, hinanda ang sarili at pilit hinahanap ang mga lumang damit na hindi nakita magmula ng dumating sa syudad—sa bandang huli ay siya na ang sumuko. At kumuha ng damit sa closet na ayaw sanang suotin.
Matapos ang patuyuin ang buhok ay naglagay ng kung ano-ano sa mukha, walang kolorete at tanging sinasabi ng iba na ‘skin care’ ang ipinahid. Suot ang wide leg trouser, pinaresan ng spaghetti sexy top, at pinatungan ng blazer. Lahat ng kulay ng suot ay nagpantay at bumagay sa balat, hinaya
