Hindi ako mapakali. Alas dose na ng hating gabi pero hindi parin bumabalik si Uncle dito sa hotel room namin. Ang lahat ng mga bisita ay nagsiuwian na rin.
Parang akong tangang pabalik balik sa pagkalakad dahil sa pag-aalala kung nasaan na si Uncle.
Mula nang maulinigan ko ang pag-uusap nila ni Kuya kanina, hindi ko na sila nakitang dalawa. Hindi ko alam kung saan sila nagpunta.
Medyo kinakabahan na rin ako. Mamaya ay kung napano na silang dalawa. Mga lasing pa naman sila at baka mapagtripan ng kung sino.
Hindi na ako nakapagpigil at lumabas na ako ng aking hotel room. Mabilis akong sumakay ng elevator at pinindot ang ground floor.
Pagdating ko sa ground floor ay wala ng masyadong tao. Puros mga trabahador nalang ng hotel ang nakikita ko. Nagtungo ako sa garden ng hotel kung saan pina
