Matagal bago nag-sink in lahat kay PO1 Carl James Navarro ang buong katotohanan tungkol sa tunay na nangyari sa pagkamatay ni Floriane. Walang sawa din naman kasi sa pagpapaliwanag dito sina Henry, Roman at Amiera na nasa kustodiya nito. At ilang araw pagkatapos nito mapanood ang laman ng memory card na ibinigay ni Henry, ay nag-request sila na imbestigahang muli ang kaso ng pagkamatay ni Floriane, sa tulong na din ni Attorney Juan Carlo na siyang naghain ng apela sa korte.
At hindi nagtagal, ang ilang araw na pananatili nina Henry sa kustodiya ng mga pulis ay nagbunga din naman ng maganda dahil nakalakap pa sila ng ibang ebidensya at impormasyon, na nagtuturo kay Axel sa pagpaslang nito sa mag-asawang Abello. Bukod doon ay nakipagtulungan na sa kanila si Jona Ampu na siyang tumayong test
