Malalakas ang bawat pagpintig ng puso ni Kaiden habang humahangos siya patungo sa kung saan. Tila wala siyang pakialam sa kung saan man siya dalhin ng kanyang mga paa ngayong gabi. At ang tanging mahalaga lamang sa kanya at ang tanging iniisip lamang niya ay ang makalayo siya sa lugar na pinanggalingan niya.
Matapos niyang makalabas kanina sa bilangguan na pinanggalingan niya ay walang tigil na siya sa pagtakbo at hindi na nag-atubiling lumingon pa. Dahil alam niyang ano mang oras ay maaari din siyang maabutan ng mga pulis, dahil isa siya sa mga presong nakatakas sa prisintong iyon.
Tila isang magandang pagkakataon ang dumating sa kanya ngayong gabi dahil hindi naman siya nararapat na makulong at madala pa sa Manila City Jail. Dahil alam naman niya sa sarili niya na wala siyang pinapatay
