“Huwag kang papayag! Huwag kang papayag sa nais niya,” mabilis na sabi ni Amiera kay Henry habang hawak-hawak ito ni William.
“Tumahimik kang babae ka!” mariin na saway naman ni William kay Amiera saka nito idinikit ang patalim na hawak sa leeg ng dalaga.
“Huwag mo siyang sasaktan!” mariing pagbabanta naman niya sa lalaki.
Tinapunan siya ng tingin ni William saka ito ngumisi sa kanya. “Akin na ang kwintas,” wika nito sa kanya.
Batid niyang ganid ang lalaki dahil sa ninanais nitong mahiwagang kwintas niya, na siyang natuklasan niyang may kakayahan na makapagbukas ng daan patungo sa parallel universe o sa kabilang mundo. At ayon sa naikuwento ni Lorenzo sa kanya, siguro ay ito ang kinuha nitong pag-aari ng kanyang ama.
Nasa lalaki ang kalahati ng mahiwagang kwintas kaya may kakayahan it
