Nakarinig ng sunod-sunod na pagkatok si Henry mula sa pintuan ng kwartong kanyang kinaroroonan. At maya-maya pa ay kusang bumukas iyon at iniluwa no’n si Amiera.
“Uhm… kakain na daw tayo sabi ni Roman. Nagluto siya ng madami at masasarap na pagkain,” wika ng dalaga sa kanya.
Maliit siyang ngumiti kay Amiera kasabay ng marahan na pagtango. “Okay. Susunod na ako,” tugon niya sa dalaga saka siya nito tuluyang iniwanan.
Kasulukuyan silang nasa tahanan ni Roman dito sa mundong ang buong akala niya ay siyang tunay na kinabibilangan niya. Pagkatapos nilang magtungo sa bahay nila ni Faye ay dito na sila dumeretsyo upang makapagpahinga at makakain. At kahit na ilang oras na ang nakalipas mula nang makita niya ang asawa at ang matalik na kaibigan, ay hindi pa rin niya lubusang malaman ang dapat n
