Chapter 36: Pagbabalik
Halos hindi ko magawang makapagsalita sa sinabi ni Loraine sa akin. Ang ibig ba niyang sabihin ay nagbibiro lang si Leon sa kanyang sinabi? Ngunit bakit niya iyon ginawa?
"Alex." Mas lalo pa siyang lumapit sa akin. "Kaibigan kita at hindi ko kayang magsinungaling sa'yo. Ayokong umasa ka lang sa wala."
"Loraine." Hindi pa rin ako makahuma.
"Pero hahanap sila ng paraan upang maibalik si Stelian." Paninigurado ng kanyang boses. Ngunit hindi iyon sapat upang maibalik ang saya na aking naramdaman kanina. Putik, akala ko ay magtuloy-tuloy na ang saya sa aking puso. Iyon pala ay isang false hope lang.
"Paano kong hindi Loraine?"
"Edi tatanda kang dalaga niyan." Natatawa niyang wika.
"Gaga ka talaga, malungkot na nga ako nagawa mo pang magbiro." I
