HINDI pa rin nakapaniwala si Chelin sa natatanaw na kapaligiran. Maaga siyang ginising ni Brian kinabukasan para panoorin ang pagsikat ng araw sa mga rock formations, malapit lamang sa islang pupuntahan nila. Nakabihis na ito, nakasuot ng panibagong khaki shorts at puting polo shirt na hindi gaanong sinara ang butones. Kaya naman nagmamadali siyang bumangon at naghilamos. Sinuot niya ang bagong pares ng pulang bikini at pinatungan na lamang ng maiksi at itim na bestida.
“Aren’t you going to put color on your lips?” tanong ni Brian nang matapos siyang magsuklay ng buhok.
“Ay, oo nga pala!” Umupo ulit siya sa harap ng salamin para makapaglagay ng kaunting blush on at lip tint.
“Your hair?” he asked.
“You really know me too well,” aniya, pinipigilang mangiti.
“Good morning, too,” na
