‘Life is not a problem to be solved, but a reality to be experienced.’ – Soren Kierkegaard
-Scarlett’s POV-
Ilang araw na ang nakalipas simula no’ng makalabas ako ng hospital. Ilang araw na rin ang nakalipas simula no’ng umalis sina Eleanor at hindi na sila muling nagpakita pa. Bumalik naman sa normal ang lahat at naging maayos naman.
Nakakapasok na ulit ako pero mas naging iwas na ako sa mga tao. Napapansin ko pa rin ang panaka-naka nilang pagtingin sa akin pero wala na akong narinig tungkol do’n sa nangyari. Ang sabi lang naman kasi sa akin nila Kuya Aaron ay naayos na nila ang nangyari, pagkatapos no’n ay wala na silang ibang binanggit pa.
Totoo nga na umalis na si Abigail at ang pamilya dahil narinig ko na nagku-kwentuhan ang iba kong mga kaklase. Pero kapag nakikita nila ako ay tu
