"Hindi ko alamg kung paano ko ipapaliwanag sa iyo, lalo na ngayong ayaw mong makinig at ayaw mong magtiwala sa mga sinasabi ko. Basta ito lang ang gusto kong malaman mo, hindi ka pa lang talaga puwedeng lumabas, Flixira. Delikado ang buhay mo kung malalaman ng iba na buhay ka. Pakiramdam ko ay sinadya ang asksidenteng nangyari sa iyo. Kapag nalaman ng salarin na buhay ka ay baka balikan ka niya," paliwanag ni Cleyeol.
Kumunot ang noo ko sa kaniya. Paano naman nila nasabi na hindi lang basta aksidente iyon? Mayroon ba silang nakuhang maliit na ebidensiya? Hindi ko alam ngayon kung maniniwala ba ako sa kaniyang sinasabi. Maaring totoo o maaaring kasinungalingan lang din kasi ang sinasabi niyang ito.
"Paano mo nasabi ang bagay na iyan? May ebidensya ka ba sa mga sinasabi mong iyan? At bakit
