Lumipas ulit ang isang araw. Ngayon ay naisipan ko na lumabas muna dahil maaga pa naman. Tiyak na tulog pa ang mga bisita at doon muna ako pupunta sa pinakadulo ng resort.
Sinabi kasi sa akin ni Keiza na subukan ko raw pumunta roon bago sumikat ang araw para makita kung gaano kaganda ang sandaling iyon.
Sakto naman na pasikat pa lamang ang araw kaya magiging maganda ang tanawin. Iyon ang gusto kong kunan ng litrato. Para mayroon akong remembrance sa lugar na ito.
Lumabas ako sa aking kuwarto at tumigil saglit sa para tumingin-tingin kung may tao ba sa ibaba o sa paligid. Noong nakita ko na iilan lamang ang mga tao ay excited naman akong bumaba.
Maaga pa lang ay may mga naglilinis na sa loob ng resort. Well maintained ang bawat sulok ng resort. Ito ang ginagawa nila para mapanatili ang
