LINUS RAFIEL (POV 02)
Tumawag nga siya, pero para makipaghiwalay naman. Pinalipas ko ng ilang araw bago ako sumilip sa kanila dahil naisip ko na baka naguguluhan lang siya dahil kalilibing lang ng daddy niya. Sariwa pa sa kaniya. Masakit pa kaya kailangan intindihin ko siya.
Pagkababa ko ng sasakyan, nagtaka ako kung bakit may mga ibang tao. May iba bang kamag-anak ang daddy niya? Lumapit ako sa gate. Mayroon guard doon na napagtanungan ko. Doon ko lang nalaman na umalis na pala siya at may iba nang nagmamay-ari sa bahay nila.
"Hindi ko rin alam, Linus. Pasensya na. Hindi niya na rin ako kinausap katulad mo."
Maging si Cara walang alam. Palagi akong nangungumusta sa kanila. Kahit naka-graduate na, panay pa rin ang tawag ko sa mga kaibigan niya at nagbabakasakali na isa sa kanila'y naka
