BIGLA akong napahinto sa paglalakad. Nilingon ko ang pinanggalingan naming cottage. Medyo malayo na kami. Ngunit parang gusto kong bumalik doon. Mas safe yata ako sa cottage kaysa sa mabatong lugar na ito.
“Sweetheart, halika na,” tawag sa akin ni PJ na nasa unahan. Kinawayan niya ako.
Napakagat-labi ako. Wala sa sariling napailing ako. Ayoko nang tumuloy. Baka dito na talaga magwawakas ang buhay ko. Kapag namatay pa naman ako, walang maghahanap sa akin. Wala na ang lola ko na mag-aalala kaya madali na para kay PJ na idispatsa ako.
Tumalikod na ako. Bahala na kung magalit si PJ. Nakailang hakbang na ako nang maramdaman kong may humila sa aking kamay.
Nasa tabi ko na si PJ nang lumingon ako.
“Sweetheart, saan ka pupunta?” may pagtatakang tanong niya.
“Doon na lang ako sa cottage. Hin
