“P-PINSAN mo si… P-Phoenix?” gulat na tanong ko.
“Yeah. Hindi ka ba naniniwala?”
Natapik ko ang aking noo. Malay ko ba namang magpinsan sila. Very common naman kasi ang apelyidong Bautista sa buong Pilipinas. Kung hindi nga rin malaki ang pagkakahawig niya kay Ma’am Sherry, hindi ko itatanong sa kanya kung kakilala niya ang boss ko.
Pero ang liit talaga ng mundo. Hindi ko akalaing mag-ina sila ni Ma’am Sherry tapos pinsan pa niya iyong kambal. Ibig sabihin kaya madalas noon si Mama Joana sa bakeshop dahil kamag-anak ng boss ko ang ama ng mga anak niya.
“O, bakit hindi mo na sinagot ang tanong ko?” Kumunot ang noo niya habang nakatitig sa akin.
“Ah, kasi…h-hindi naman kayo magkamukha ng pinsan mo. Magkapareho lang kayo ng apelyido saka iyong pagiging maputi.”
“I got my looks from my
