Taas ang noong naglalakad si Dianne. Hindi niya alintana ang mga lalaking napapalingon at halos sundan siya ng tingin.
Maglaway sila ngayon!
Iba pala talaga kapag ang ganda-ganda mo! Nakapagpa-salon na rin siya at bumagay ang gupit at kulay niyon sa kaniya kaya mas lalong lumutang ang kaniyang kagandahan.
May mga lumalapit ngang talent scout daw sila, pero kinuha niya lang ang mga calling cards ng mga ito. Wala pa siyang balak sa ngayon. Nais muna niyang namnamin ang kaniyang kagandahan!
Kasalukuyan siyang nasa mall. Halos maubos na nga ang perang nakuha niya mula sa huling suweldo. Pero, wala siyang pakialam. Sa itsura niyang ito, malamang mabilis na sa kaniya ang makahanap agad ng trabaho. Pero, hindi pa muna rin sa ngayon.
Naupo siya sa labas ng isang kilalang coffee shop. Mamaya n
