Napaigtad si Ryan ng may humawak sa kaniyang magkabilang balikat mula sa likuran. Kasunod ang boses ng kaibigang si Jules.
"Dude, sigurado ka ba na gusto mo sa probinsiya na lang manirahan?" Kinuha kasi ng isang malayong pinsan si Ryan, kapalit ng ilang gadgets niya. Hindi naman siya makapagtrabaho kaya pumayag na rin siya. Kesa naman ang mag-isa siya, hindi na niya kaya.
Tango lang ang isinagot ni Ryan sa kaibigan.
"E, 'yung ibang gadgets mo, dadalhin mo ba?"
Tigas na umiling si Ryan. Ayaw na niyang humawak ng kahit isang gadget mula sa kaniyang koleksiyon. O, kahit iyong bago pa!
"Anong gagawin ko sa mga iyon?"
"Ibenta mo on-line." Tipid na sagot ni Ryan bago tumayo. Inalalayan naman siya ni Jules hanggang dumating na ang sasakyan ng pinsan nito. Kumapa-kapa ang tungkod nito sa din
