"Pre, may sasabihin nga pala ako sa 'yo," panimula ni Enver kay David habang naghihintay silang dalawa kina Charlotte at Eve.
"Ano?" tanong ni David habang naghihintay ng sagot niya.
"Aalis na ako sa boarding house. Sa bahay na ni Charlotte ako titira. Magsasama na kaming dalawa," sunud-sunod na sabi ni Enver na kinabigla ni David.
"Ano? Eh, parang mabilis naman yata masiyado?" tanong ni David na hindi sigurado sa mga plano ng kaibigan. Kailan lang kasi naging mag-kasintahan ang dalawa kaya napapaisip si David na baka nadadala lang ito sa unang saya sa isang relasyon.
"Para maka-ipon kami ng pera. Alam mo naman na may nangyayari sa aming dalawa, 'di ba? Kaya kailangan kumayod para if ever na mabuntis ko siya hindi kami mahirapan.
"May kaya si Charlotte pero ayaw ko naman i-asa lahat s
