"Talaga? Sabi na nga ba, eh. May something sa inyong dalawa," nakangiting sabi ni Eve nang matapos i-kuwento ni Lyka ang nangyaring pag-aaminan nilang dalawa ni Paul.
"Salamat. Sobrang saya ko talaga dahil d'on. Hindi ko talaga expected na parehas kami nang nararamdaman." Abot langit pa rin na nakangiting sabi ni Lyka.
"Basta. Be careful lang, Lyka. Mukha namang mapagkakatiwalaan si Paul," sabi ni Eve na halatang seryoso sa mga salitang binitiwan ngunit nanatili pa rin itong nakangiti sa kausap.
"Oo, Ate. Sabi ko naman sa 'yo, eh. Hindi lahat ng lalaki ay pare-pareho. Oo nga pala. Kung hindi mo mamasamain. Puwede ko bang matanong kung bakit malaki ang galit mo sa mga lalaki?" tanong ni Lyka kay Eve na hindi manlang pinag-isipan ang kaniyang sasabihin. Curious na curious kasi ito kay Eve
