"Ready ka na ba?" tanong ni David habang naglalakad silang dalawa papunta sa terminal ng bus.
Ngumiti si Eve bago sumagot sa binata. "Oo, maghahanda ba ako ng mga gamit ko kung hindi?"
Ipinakita ni Eve ang backpack na suot niya mula sa kaniyang likuran kay David.
"Excited lang ako. First time kong magpakilala ng babae sa bahay kaya hindi ko alam na ganito pala ang feeling lalo na at mahalaga ka sa akin," abot-langit ang mga ngiti na sabi ni David.
"Hula ko hindi ka rin nakatulog nang maayos kagabi?" Pang-aasar ni Eve kay David habang hinihintay ang reaksiyon nito.
"Paano mo naman nalaman?" Nakataas ang mga kilay na tanong ni David kay Eve.
"Siyempre. Kitang-kita sa mga mata mo. Ang laki kaya ng eyebags mo," patuloy pa rin na panunukso ni Eve sa binata.
"Hmmn, pagod lang ako. Eh, ika
