Nagising si Eve na nakahiga sa hindi niya kama. Hindi rin siya pamilyar sa kuwarto na kinaroroonan niya ngayon.
Napabangon siya bigla kasabay nang paghawak niya sa kaniyang ulo. Nakaramdam kasi ito ng sakit dahil sa biglaan niyang pagbangon.
Binalik niyang muli ang tingin sa malaking kuwarto. Dalawang beses na itong nangyari sa kaniya na magising kinabukasan at nasa ibang kuwarto na.
Kinabahan siya bigla nang mapagtanto niya na puro gamit ng lalaki ang nasa loob nitong kuwarto.
Katulad din ng kuwarto sa kanilang boarding house ay may apat na kama at apat na tao ang tumutuloy doon.
Tumayo kaagad siya habang iniisip ang mga nangyari kagabi. Masiyado pa kasing masakit ang kaniyang ulo at wala rin siya sa kaniyang sarili para balikan ang mga nangyari kagabi.
Habang nakatayo siya at nakah
