Sobrang ganda at nakaka-akit ang mukha nito. Nakasuot ito ng tube red dress na above the knee. Hapit na hapit ang damit sa katawan ni Charlotte kung kaya lumalabas ang magandang kurba ng kaniyang katawan.
Halos mapanganga at hindi makapagsalita si Enver nang magtama ang paningin nilang dalawa.
"Wala ka bang balak pumasok?" Masungit na tanong ni Charlotte sa binata. Pero, sa loob-loob ng dalaga ay nahihiya siya dahil baka isipin ni Enver na ang pangit ng kaniyang katawan o 'di kaya ay hindi bagay sa kaniya ang suot na damit.
Bumalik sa realidad si Enver at saka pumasok sa loob ng bahay ni Charlotte. Tinitingnan niya ang paligid at namangha siya dahil kahit mag-isa lang si Charlotte dito ay damang-dama niya pa rin ang pasko.
"Bakit nakapatay ang mga ilaw mo?" tanong ni Enver habang pinag
