Sabado at walang pasok si Lyka sa school at cafeteria. Ngayon ay gumising siya nang maaga para paghandaan ang pamilya ni Paul ng agahan. Ito palagi ang kaniyang ginagawa tuwing umaga. Hindi naman na siya pinapakilos pa sa bahay dahil para na rin siyang miyembro ng pamilya kung ituring. Walang mga yaya ngayon dahil umuwi ng probinsya kahapon si Manang Coring. Sina Lala at Beth ay hindi niya pa alam kung nasaan ang mga ito.
Magluluto palang sana siya pero nakita niyang bumababa ng hagdan si Paul at dumiretso sa kusina kung saan siya naroon. Medyo nagulat pa nga si Lyka dahil sa sobrang lakas ng pagtibok ng kaniyang puso.
"Good morning," pagbati ni Paul ngunit hindi ito nakangiti. Ganito palagi ang binata. Madalas seryoso at minsan lang ngumiti at tumawa. Pero, mabait naman si Paul dahil hi
