“WALA ka talagang maalala kahit na sinabi na nila sa’yo ang lahat?” tanong ko, makalipas na ikuwento ni Teofelo ang nalalaman niya.
Katatapos ko lang na mapakinggan ang kuwento ni Teofelo. Na kaya pala ito nakatulog ng mahabang panahon ay dahil sa sumpa ng isang babae sa kaniya. Na pati ang buong pamilya niya ay kasama sa sumpang ibinigay sa kaniya.
Bukod doon nalaman ko rin na dapat pala ay ikakasal na daw ito sa isang dalagang nagngangalang Angelina ng araw na isumpa siya. Ngunit hindi naman daw maalala ni Teofelo kung sino ang Angelina na iyon.
Iling lang ang sagot ni Teofelo sa tanong ko, inayos niya din ang ilang hibla ng buhok ko na hinahangin papunta sa mukha ko.
“Kahit iyong Angelina? Hindi mo siya maalala o kaya kahit man lang mapanaginipan?” pangungulit ko.
Kahit pa sinabi
