Edna's pov
HINDI na ako nakapagpigil pa at pinuntahan ko na sa ospital si Wilson kung saan ito nagtatrabaho. Gusto kong malaman kung sino ba talaga si Santi at kung bakit halos magkatulad kaming dalawa. Katulad ni Gean ay may maliit din itong balat na kulay pula sa pagitan ng mga daliri nito. Gusto kong magkaroon ng linaw ang hinala ko dahil kung tama man ang hinala ko na anak ko si Santi ay hindi ko mapapatawad ang nasa likod ng panlilinlang sa akin.
Sandali lamang ako nagpaalam kay Juancho upang umalis. Ang paalam ko ay may bibilhin lamang ako sa palengke dahil tiyak na magtataka ito kung sasabihin ko na pupuntahan ko si Wilson.
Alam ko naman kung saan banda ang opisina ni Wilson kung kaya tumuloy-tuloy na ako doon. Isa pa halos kilala rin ako ng ibang nagtatrabaho doon lalo na at ala
