Call
Ilang linggo na ang nakalipas at nasanay na ako sa bagong environment ko. Hindi ko na rin masyado nakausap si Brent dahil busy-ing busy ito at hindi naman kami close para kausapin ko siya araw-araw. Nagpapasalamat na lamang ako na tinulungan niya ako at pinatira sa bahay niya.
“Manang, ang ganda po ng lugar ni Brent, ‘no?” Ngumiti ako sa kanya at napatingala sa kalangitan.
Napapikit pa ako dahil sa sinag ng araw. Medyo umayos na rin ang sugat ko pero hindi na maiwala ang mga sugat na nagpapapangit sa balat ko. Pero wala naman akong pakialam sa pisikal na kaanyuan ko. Ang importante ay buhay pa rin ako at humihinga. Hindi rin ako masyado nakagala dahil tingin ko ay hindi magandang gawain iyon lalo na’t pinapahanap pala ako.
Bakit ba hindi na lang nila ako tigilan? Bakit hindi na la
