Deal
Inaalalayan ako ng ginang na makaupo. Ingat na ingat siy habang nilalagyan niya ng unan ang likod ko para makasandal. Napangiwi ang ngiti ko nang makita ang buong sugat ko sa buong braso ko. Bigla tuloy akong nalungkot para sa aking sarili dahil ang inaalagaan ko na balat ay nasira na.
Naamoy ko ang sinigang na ulam na tingin ko luto niya. Nilapag niya ang table tray sa harap ko at inayos pa ang pagkain sa table ko. Naninibaguhan ako dahil hindi ako sanay na may umasikaso sa ‘kin. Hindi ko maiwasan ang maalala si Mommy. Ginagawa niya ito sa akin dati noong hindi pa siya nagpakasal, no’ng kami pa lang dalawa. Kapag may sakit ako, ginagawa niya ang bagay na ito. Pero, that was before…
“Grabe, sayang ang ibang balat mo, hija, lalong-lalo na sa braso,” naghihinayang na sambit ng ginang
