Abala sa kusina si Maro. Kasalukuyan siyang nagluluto ng kakainin nilang tanghalian ni Neo.
Nakarinig si Maro ng mga yabag ng tsinelas kaya tumingin siya sa b****a ng kusina. Nangunot ang kanyang noo at nagsalubong ang kilay niya nang makita si Neo na dahan-dahang naglalakad papasok ng kusina habang nakasaklay. May nakapatong na twalya sa kanang balikat nito.
Napatingin si Neo kay Maro. Tipid itong ngumiti. Huminto sa paglalakad.
“Anong gagawin mo?” nagtatakang tanong ni Maro.
“Maliligo,” sagot ni Neo na ikinagulat ni Maro.
“Pero hindi ka pa pwedeng maligo. Mababasa iyong cast at benda diyan sa paa mo,” pagbabawal ni Maro at tiningnan ang parteng iyon ng katawan ni Neo. Muli ring bumalik ang tingin nito sa mukha ni Neo.
“Ilang araw na akong nanlalagkit kaya hindi na ako makatiis,” sa
