Magkatabing nakahiga sa ibabaw ng kanilang kama sina Luis at Blue. Nakatihaya sa pagkakahiga si Luis at nakatingin sa kisame habang nakatagilid naman si Blue at tinititigan si Luis.
Parehas na walang saplot pang-itaas sina Luis at Blue at tanging boxer short lamang ang suot pang-ibaba dahil na rin sa maalinsangang panahon kahit gabi na. Kulay dark blue ang suot na boxer ni Blue habang dark red naman ang suot ni Luis.
Napapangiti si Blue habang nakatitig kay Luis. Tumatakbo sa isip niya ‘yung mga masasaya nilang alaala na magkasama. Ang tagal na rin magmula no’ng maging sila pero ‘yung pakiramdam niya na kaligayahan, hindi nababawasan.
Naalis ang tingin ni Luis sa kisame at tiningnan niya si Blue. Kumunot nang bahagya ang noo niya nang makita si Blue na nakatitig sa kanya at hindi man la
