Tuwid na nakatayo si Hyde sa harapan ng office desk. Mataman niyang tinitingnan si Blue na nakaupo naman at binabasa ang ipinasa niyang resignation letter. Itinatago ni Hyde ang kabang nararamdaman niya habang nakatingin kay Blue. Sa huling pagkakataon, gusto niyang matitigan si Blue ng ganito.
Tumingala nang tingin si Blue kay Hyde matapos mabasa ang resignation letter na ipinasa nito. Malambot ang itsura ng mukha ni Blue habang mataman niyang tinitingnan ang binatang si Hyde.
“Sure ka na ba dito?” pagtatanong ni Blue kay Hyde. May panghihinayang siyang nararamdaman kung pakakawalan na niya ng tuluyan si Hyde lalo na at naging masipag din ito sa trabaho at wala siyang naging problema rito.
Ngumiti nang tipid si Hyde saka marahang tumango-tango. Pinagsalikop nito ang dalawang kamay sa k
